هذا هو الموت (نبرة بنت نعسانه)

يالساهرة طال فينا الليـل وأسهرتـك
جعلني الموت لين ألحيـن سهرانـه !
نسيت نفسـي بصوتـك ثـم تذكرتـك
وإنتي بعد ماعليك خـلاف .. نسيانـه
لا قلت : أخليك ؟ قلتي : ليش أخرّتك ؟
خلّك حبيبي معـي مـن جـد ولهانـه
وإن قلت لك : زين خلّصتي مذاكرتك ؟
قلتي لي : بليز مالي خلـق طفشانـه
الظاهـر إن هذرتـي زادت وكـدّرتـك
أهلي يقولـون عنـي (بنـت زنّانـه)
قلت : إهذري وإملي عروقي بثرثرتـك
هذا هو الموت (نبرة بنـت نعسانـه)
تدرين ؟ ياما علـى نفسـي تكاثرتـك
ماكنت باقـول بـس الحيـن خربانـه
ياحلوتـي قبـل أعرفـك ماتصوّرتـك
كنتي لي المستحيـل بهيئـة إنسانـة
حتى قبل ما أعرفك في البال حضّرتـك
ركّزت ثم قلـت : لا لا تشبـه فلانـه
هدّيت عرش الصبايـا بـك وعمّرتـك
ماتشبهك بنت يـا ام عيـون خدرانـه
أحس من كثر ما حاولت جرجرتـك ..
للواقع .. الله وهبنـي إيّـاك سبحانـه
من قبل ترتيبـك لمّـا بعـد بعثرتـك
يالمترفة وأشهد إنك صـدق فسقانـه
كلّـك مزايـا مـن أولتـك لآخرتـك
يا أقصر طويلة ويا أنحف بنت مليانـه
في كـل ذرة بجسمـي قمـت نثّرتـك
لين أصبحت كـل ذرّة فيـك هيمانـه
شربتـك البارحـة فتنـة وكثّـرتـك
شوفي عروقي بحسنك كيف سكرانـه
كنتي سجينة خيـال وجيـت حرّرتـك
وأصبحت أسيرك وأبيك اليوم سجّانـه
إلا تعالي .. متى تبـدأ محاضرتـك ؟
طيّب أخلّيـك .. شكلـك جـد تعبانـة

منقوولـ ..

مشكوررررره على نقل المميز ,,,, وهلا فيك مع اول موضوع وانشاء الله نشوف ابداع اكثر,,

العفو

ان شاء الله خيتو . . .

مراقب عدد الرسائل : 99 تاريخ التسجيل : 14/10/2008

سلمت يداااك ياذووق

وتقبلي طلتي

يسلمكـ ربي

مشكورهـ عاللطله الحلوهـ

ثانكس قلبو ع الموضوع ونورتي المنتدى ..

الموضوع عليه بعض الملاحظات .. لكن مو مشكله اول موضوع .. لكن يارب تتحفينا بجديدك