موضوع: خـــــاطــــرة أعجـبـتــــني الأربعاء أكتوبر 22, 2008 4:51 pm
بسم الله الرحمن الرحيم السلام عليكم ورحمة الله وبركاته
اليكم خاطره اعجبتني ونقلتها لكم حبايبي
الطفوله أحلى مافي هالحياة مرحله من غير هم كنـّا دايم نبتسم كنـّا حتى لو بكينا ... وجارت الدنيا علينا بعد لحظـات وثواني بسمه فينا ترتســم .. كنـّا نركض خلف كوره ... ( لا لا أنا ماكنت معهم !! ) وحدي بس بعيد عنهم ... كنت أنا أضحك عليهم جالس لحالي أهذري ... جالس أحسب كم ( كوبري ) صلـّحه ( أحمد ) في ( ماجد ) ؟؟ والله واجد!! ... وقبل ما يحل الظلام للبيوت نروح نجري ... ( لا لا أنا ماكنت معهم ! ) أمشي وحدي بعيد عنهم ... أمشي وأعدد أثرهم ! وهم عني يبعدون يبعدون ... يبعدون إلا ( ماجد ) !! كان مثلي حيل ضايق ... بس حزنـي كــان حارق كان يسألني ببراءه : ... ليش تعرج ؟ ... قلت مادري ! ... باستياء ليش تبكي ؟ قلت مابكي ... بكبرياء ضاق مني ... ثم سألني في غباء ... قال ( وثرايك تـثــابق )؟؟ وراح عنــّــي ... !! .... كنت أسأل دوم نفسي ... ليش ما أركض معاهم ؟!! ليش دوم أمشي وراهم ؟!! وش بلاي ؟!! ... أو وش بلاهم ؟!! ليه أنا غير الأنام ؟!! زاحمتني الأسئله... كل شيٍ أجهله ؟ وإن تعبت من الإجـــابه... أحظن الحيـــره وأنام . ..... مرّت سنين وكبرت ... صار همّي اليوم أكبر حتى دمعي صار أكثر للأسف توي قدرت ... أفهم إني شخص ( عاجز ) !! يعني بيني وبينكم مليون حاجـــز !!! صدقوني ذي حقيقه ... لا طلعت السوق ... كل ما أمشي دقيقه القى كل شوي أبله !! يمشي ويناظر صديقه ... ويغمز له يقول : ناظر ...!! وش يناظر ؟!! وتتفجّــر في خفوقي ألف ضيقه ووحده في وسط الزحام .... طالعتني باهتمام ... بنت في عمر الزهور ... أي رشاقه ... وأي أناقه ... وأي عطـــور !! قلت في نفسي ياهووووه هي تناظرني بغرام ؟!! ... أو هي نظره والسلام ؟!! بس أكيد إنها تعرفني ... شايفتني ؟ شايفتني في جريده ؟ واعجبتها لي قصيده ؟ إيييييه أنا توي افتكرت .... لي قصيده ... كنت ناشر معها صوره بس صوره ... ياسلااااا م وفاجأتني ... لمـّا صارت لي قريبه ... كانت تـمـتم بطيبه { يـكـسـر الخاطــر حـــرااااام ) !!!!! وتركت دمعه غريبة ... وضاعت بوسط الزحــام دمعه كانت تحكي وضعي ... زلزلتني ارتطم قلبي بضلعي ... دمرتني صدقوني ... أصعب اللحظــات وأقسى لاغدا الرجـّــــال يــر ... خاطر انثى كيف ينسى ؟؟؟ جاوبوني !! ... وزاد همّــي ... يوم فكــّـرت بوظيفه ... ثم زواج أي وظيفه ... وأي زواج ؟؟ اللــي مثـلي ... مهما طالب ... لويلف ولو يدور زين لو حطـــّــوه كــاتب لا ... وعلى بنــد الأجـــــــور .... ماهو رسمي !!! .... صدقوني لو تدرّج ... وصار راتبه ايتصاعد وابتــدا وضعه يزين ما أظنه بيتزوّج ... حتى لو بعد التقاعد !! ..... وفي النهــايه ... يابلــدنا... مهما كانت ( تسميتـنا ) عاجزين ... ( معوّقين ) لك عهدنا ... وذا قسمنا : أقسم بالله العظيم ... منزل الذكر الحكيم أن أصونــك يابلادي ... من شرور العابثين من مطامع كل حاسد ... من نوايا كل فاســد وإني لك حصنٍ حصين إنتي ناديني وشوفي ... لا نويتي بالجهــاد والله أقهر لك ظروفي ... دامك إنتي لي بــــلاد وباسم كل العاجزين ... دام فينا أصبع يطول الزنـــاد لا يهمــّـك يابلادي ... وازهليهــا
ودمتم بحفظ الرحمن
المجروحه
عدد الرسائل : 122 المزاج : حزينه!! تاريخ التسجيل : 07/10/2008
موضوع: رد: خـــــاطــــرة أعجـبـتــــني الخميس أكتوبر 23, 2008 4:10 am
راعه جداااا,, بس والله حرام المعوقين جزء منا ليش يعملون كذا اهم قدرين على النتاج مثلنا كل في حسب اهتمامه,,, مشكووووووووووووووره ,,,
أم الحسن Admin
عدد الرسائل : 110 العمل/الترفيه : دافوره أين تعيش : مضيعه بيتنا تاريخ التسجيل : 06/10/2008
موضوع: رد: خـــــاطــــرة أعجـبـتــــني الخميس أكتوبر 23, 2008 5:13 am
رووووووووووووووووووووعه وشوي عليها .. تسلمين قلبو ع النقل الرائع ..
حركه stop مراقب
عدد الرسائل : 99 تاريخ التسجيل : 14/10/2008
موضوع: رد: خـــــاطــــرة أعجـبـتــــني الخميس أكتوبر 23, 2008 4:28 pm
مجرووحه
كلامك صحيح بس للأسف لازال المجتمع يقلل من قيمة هؤلاء المعاقين
مع ان بعضهم يسوون اشياء مايسويها الاصحاء
مجروووحه مرورك نور متصفحي فشكرا لك
حركه stop مراقب
عدد الرسائل : 99 تاريخ التسجيل : 14/10/2008
موضوع: رد: خـــــاطــــرة أعجـبـتــــني الخميس أكتوبر 23, 2008 4:30 pm
الأربعاء أكتوبر 22, 2008 4:51 pm
